London Olimpiadasında bu gün daha iki idmançımız mübarizəyə qoşulacaq.
Modern.az xəbər verir ki, Olimpia oyunlarında uğurlu çıxışı ilə diqqət çəkən avarçəkənimiz Aleksandr Aleksandrov bu gün ölkəmizə ikinci medalı qazandıra bilər. Kişilər arasında 1 nəfərlik qayıqla (M1X) çıxış edəcək təmsilçimiz final mərhələsində mübarizə aparacaq. 2000 m məsafəyə yürüşdə gənc idmançımızın rəqibləri Lassi Karonen (İsveç), Ondrej Sinek (Çexiya), Mahe Dirsdal (Yeni Zelandiya), Alan Kampbell (Böyük Britaniya) və Marsel Haker (Almaniya) olacaq. Yarışa Bakı vaxtı ilə saat 16:30-dastart veriləcək.
