Qarabağda müxtəlif istiqamətdə tədqiqat işləri aparılacaq.
Modern.az xəbər verir ki, bu barədə AMEA-nın akademik katibi Adil Qəribov məlumat verib.
O bildirib ki, bu istiqamətdə artıq fəaliyyət planı hazırlanıb:
“Müharibədən qabaqkı dövrlə müqayisəli təhlillər aparılacaq. Bütün xüsusiyyətlər qiymətləndiriləcək. Hazırlanan plan 2021-2025-ci illəri əhatə edəcək. Bundan başqa həmin ərazilərin istehsalata yararlılığını yoxlamaq məqsədilə – torpaq örtüyü, onun xüsusiyyətləri tədqiq ediləcək. Ərazilərdə kənd təsərrüfatı və digər istehsalat sahələrinin optimal yerləşdirilməsi sxemi işlənəcək”.