Şəmkir rayon Mərkəzi Xəstəxanasının baş həkimi Yusif Quliyev tutduğu vəzifədən azad olunub.
Modern.az-ın məlumatına görə, bu barədə "baku.ws"yə baş həkimin özü bildirib. Onun sözlərinə görə işdən ayrılmasını özü xahiş edib:
“Bir müddət idi işdən azad edilməm barədə rəsmi müraciət etmişdim. Dünən reaksiya verildi və mən işdən azad edildim. Bakı şəhərindəyəm, ailəmin yanındayam. İşdən ayrılma səbəbim də ailəmə yaxın olmaq idi”- Y.Quliyev bildirib.
Məlumat üçün bildirək ki, Y. Quliyev 2 ilə yaxın Şəmkir rayon Mərkəzi Xəstəxanasının baş həkimi vəzifəsini icra edib. Bu müddət ərzində xəstəxanada koronavirus xəstələrinin müalicəsi aparılıb.
