Rəsmi Kreml Ermənistan baş naziri Nikol Paşinyana 11 yanvarda Moskvaya səfər etdikdən sonra gələcək siyasi taleyi ilə bağlı 3 variant təklif edib.

Modern.az Ermənistan KİV-nə istinadən xəbər verir ki, Paşinyana həmin variantlardan birini seçmək üçün 1 ay vaxt verilib.

1. Paşinyan istefa verir, hazırkı müxalifətlə əlaqəsi olmayan şəxs həmin postu tutur. Bu zaman parlament seçkiləri Konstitusiya ilə nəzərdə tutulmuş tarixdə - 2023-cü ildə keçirilir. Putin Paşinyan və ailəsinin şəxsi təhlükəsizliyinə təminat verir.

2. Paşinyan 2021-ci ildə növbədənkənar seçkilər keçirir. Bu zaman postunu tərk edir və heç zaman siyasətə qayıtmayacağına söz verir. Bu ssenari Ermənistan müxalifətinin tələblərinə uyğun variantdır.

3. Sonuncu varinatda isə Paşinyan sentyabrdan sonra növbədənkənar seçkilər keçirir, amma postunu tərk etmir. Yəni bu addım Rusiya Dövlət Dumasına keçirilən seçkilərdən dərhal sonra atılır. Amma bu variantda Moskva Paşinyana heç bir təhlükəsizlik və toxunulmazlıq təminatı vermir. Moskva ona açıq şəkildə bildirib ki, əgər Paşinyan sentyabra qədər növbədnəkənar parlament seçkiləri keçirsə və bu zaman baş nazir postundan getməsə, onda Moskva açıq şəkildə onun opponentlərini dəstəkləyəcək.

Paşinyanın fikirləşmək üçün vaxt istədiyi bildirilib. Onun fevralın ortalarına qədər qəti qərarını verəcəyi qeyd olunur.