Bu gün Beynəlxalq Türk Akademiyasının prezidenti Darxan Kıdırəli Qırğız Respublikasının yeni seçilmiş prezidenti Sadır Japarovun andiçmə mərasiminə qatılıb.
Modern.az xəbər verir ki, mərasimdə Qırğızıstan Jokorqu Keneşinin (Parlamentinin) üzvləri, tanınmış dövlət xadimləri, xarici qonaqlar, diplomatik nümayəndəliklərin rəhbərləri və beynəlxalq təşkilatların nümayəndələri iştirak ediblər.
Sadır Japarov and içərək, rəsmi şəkildə Prezident vəzifəsinə başlayıb.
Qeyd edək ki, 10 yanvar tarixində Qırğızıstanda növbədənkənar prezident seçkiləri və idarəetmə formasının təyin olunması üçün referendum keçirilmişdi. Seçkinin rəsmi nəticələrinə görə, Sadır Japarov seçicilərin 72,20% səsini qazanaraq ölkənin növbəti prezidenti seçilib.
Seçicilər həm də ölkədə idarəetmə formasının dəyişməsinə və prezident üsul-idarəsinə səs veriblər.
***
