Milli Məclis Aparatında kadr dəyişikliyi olub. Parlament Aparatının Dövlət qulluğu və kadr məsələləri şöbəsinin müdiri İlqar Fərzəliyev yaşı ilə əlaqədar təqaüdə göndərilib.
Modern.az-ın məlumatına görə, İlqar Fərzəliyev təqaüdə yola salınmazdan öncə parlamentin fəxri medalı ilə təltif edilib.
İlqar İslam oğlu Fərzəliyev 19 yanvar 1956-cı ildə anadan olub. İxtisasca Filoloq-şərqşünas olan İ.Fərzəliyev 2-ci dərəcə dövlət müşaviri kimi müxtəlif dövlət qurumlarında çalışıb.
O, dövlət qurumlarında çalışdığı müddətdə 3-cü dərəcəli "Vətənə xidmətə görə" ordeni, "Dövlət qulluğunda fərqlənməyə görə" medalı ilə də təltif olunub.