Türkiyənin məşhur aktrisası Aydan Şener Masallı rayonunda olub. Modern.az xəbər verir ki, Bakı Estetik Mərkəzinin “Jermin De Kopuçeni” şirkətinin dəvəti ilə Azərbaycana gələn Aydan Şenerin iştirakı ilə reklam çarxı hazırlanır. Masallı rayon İcra Hakimiyyətinin nümayəndələri aktrisanın “Dəştvənd” istirahət mərkəzində çəkilişdə olduğunu eşidib, onunla görüşüblər.
Akrtisa Masallının möcüzəli təbiəti ilə bağlı xoş sözlər də deyib:
“Sadəcə olaraq bayıldım, vuruldum bu gözəlliyə. Allahım, bizim yerlərə necə də oxşayır. Masallı Azərbaycanın qiymətli möcüzəsidir. İnsanların xoş münasibəti, qonaqpərvərliyi də elə təbiətin gözəlliyinə münasibdir. Bir sözlə, burada hər şey iyidir. Məni Aydan adından çox Fəridə adı ilə çağıranda ürəyim sevinir. Bu da hörmətli tamaşaçılarımın sənətimə-Fəridəyə böyük məhəbbətidir. Mən Masallını, onun insanlarını, uzun müddət xatırlayacağam. Filmin çəkilişi üçün Bakı və Masallının seçilməsi təsadüfi deyil”.
Rejissor Sahin Zəkizadə bildirib ki, çəkiliş üçün bir sıra turizm rayonlarına baxış keçirilib, ən münasib yer olaraq Masallı seçilib.