Xocalı soyqırımı ilə bağlı ədalətli qərar çıxarılması məqsədilə beynəlxalq məhkəmələrə müraciət göndərilməlidir. Modern.az xəbər verir ki, bu sözləri fevralın 1-də parlamentdə Demokratik İslahatlar Partiyasının (DİP) sədri, millət vəkili Asim Mollazadə deyib. "Xocalıda insanlığa qarşı cinayət törədildiyindən parlament də prosesdən kənarda qalmamalıdır. Biz qanunverici orqan adından beynəlxalq təşkilatlara, bütün ölkələrin parlamentlərinə bir daha müraciət qəbul etməliyik-deyə A.Mollazadə bildirib.