Avqustun 29-da Azərbaycan Dillər Universitetinin rektoru, millət vəkili, professor Səməd Seyidov Fələstinin Azərbaycandakı fövqəladə və səlahiyyətli səfiri Nasir Əbdül Kərəm A.Rəhim ilə görüşdü. Rektor Səməd Seyidov qarşıdan gələn yeni tədris ilində ADU-ya qəbulun 50% artdığını səfirin diqqətinə çatdırdı.
O, Universitetdə Qərb dilləri ilə yanaşı, Şərq ölkələrinin dillərinin də tədris olunduğunu dedi. Səməd Seyidov Çin, Yapon dillərinin tədrisinin də ADU-da uğurla aparıldığını qeyd etdi. Rektor Səməd Seyidov rəhbərlik etdiyi ali təhsil ocağında 2011-2012-ci tədris ilində Ərəbşünaslıq ixtisasının açıldığını xatırlatdı. ADU-da bu istiqamət üzrə artıq 10 tələbənin təhsil aldığını bildirdi. Səfir Ərəbşünas tələbələrlə görüşmək məqsədilə yeni tədris ilində bir daha ADU-ya dəvət etdi.