2020-ci ilin ilk iki ayı ilə 2019-cu ilin yavnavr-fevral aylarının müqayisəsində ölkəyə gələn əcnəbilərin və müraciətlərin sayında çoxalma müşahidə olunsa da, pandemiya dövründə dövlət sərhədindən giriş-çıxışının məhdudlaşdırılması səbəbindən bu dinamika azalmağa doğru dəyişib.
Modern.az xəbər verir ki, bu barədə Nazirlər Kabinetinin 2020-ci il hesabatında bildirilib.
Hesabatda qeyd olunub ki, 2020-ci il 31 dekabr tarixinə ölkədə qanuni əsaslarla olan və yaşayan əcnəbilərin sayı (58,5 min nəfər) 2019-cu illə müqayisədə 1,9 dəfə azalıb. Eyni zamanda 2020-ci ildə 1 nəfər Azərbaycan Respublikasının vətəndaşlığını itirmiş, 78 nəfər qaçqın statusu əsasında yaşamış, 409 nəfər Azərbaycan Respublikasının vətəndaşlığına qəbul edilib.
