“Hazırda toy və ad günü keçirmək qadağandır. Əgər kimsə bunu edirsə, o deməkdir ki, qaydaları pozur”.
Bunu Modern.az-ın əməkdaşının "5 nəfərin iştirakı ilə ad günü keçirmək qadağandır, amma ictimai nəqliyyatda 100-150 nəfər nəfəs-nəfəsə gedir, polis də deyir “sıxlaşın, yerdəki 2 nəfər də minsin”. Bu hansı məntiqə sığır" sualını cavablandırarkən, Azərbaycan Prezidentinin köməkçisi Şahmar Mövsümov bildirib.
Ş.Mövsümov qeyd edib ki, ictimai nəqliyyat fəaliyyət göstərən günlərdə sərnişinlərin istifadəsi qadağan deyil:
"Qaydalara görə, ad günü, toy keçirmək qadağandır. Biz qaydalara əməl etməliyik. Amma əgər hansısa polis əməkdaşı deyirsə, “sıxlaşın, iki nəfər də minsin”, əlbbəttə, o düz etmir və qaydanı pozur".
Prezidentin köməkçisi bildirib ki, hazırkı yoluxma sayı ilə kütləvi tədbirlərin, o cümlədən toyların keçirilməsinə icazə verilə bilməz.