Modern.az

“Rusiya qonşu ölkələrə təcavüz edir” - NATO Baş katibi

“Rusiya qonşu ölkələrə təcavüz edir” - NATO Baş katibi

22 Mart 2021, 22:39

“Son illərdə Rusiya həm ölkə daxilində, həm də xaricdə təcavüzkar mövqeyə sadiq qalır”.

 

Modern.az xəbər verir ki, bu barədə NATO-nun Baş katibi Yens Stoltenberq açıqlama verib.

 

Onun sözlərinə görə, son illərdə Rusiya Gürcüstan və Ukrayna kimi qonşu ölkələrə qarşı təcavüz nümayiş etdirir, NATO müttəfiqlərinin daxili siyasi proseslərinə müdaxilə edir və ölkəsindəki müxalifətə təzyiq göstərir.

 

“Və bu hamısı deyil. Rusiya Prezidenti Vladimir Putin, əlbəttə ki, Rusiya dövlətinin hərəkətlərinə görə cavabdehdir. Təcavüzkar münasibət nümunəsini görürük. Bunların hamısı qəbuledilməz davranışlardır. Möhkəm olmağa davam edəcəyik. Eyni zamanda çəkindirmə, müdafiə və dialoqu da əhatə edən ikitərəfli yola sadiq qalacağıq”,- deyə Stoltenberq bildirib.

 

Qeyd edək ki, martın 23-də Brüsseldə NATO ölkələrinin xarici işlər nazirlərinin iki günlük iclası keçiriləcək.

Twitter
Sizə yeni tvit var
Keçid et
Ukraynadan Rusiyaya ardıcıl zərbələr: Vəziyyət kritikdir