İtaliyanın sabiq Baş naziri, "Milan" klubunun keçmiş rəhbəri Silvio Berluskoni hospitalizə edilib.
Modern.az xəbər verir ki, bu barədə ANSA agentliyinin tvitter səhifəsində yazılıb.
Onun vəkili Federiko Çekkoninin sözlərinə görə, Berluskoni hələ martın 22-də xəstəxanaya yerləşdirilib. Siyasətçinin vəziyyəti ilə bağlı hələlik heç nə məlum deyil.
Xatırladaq ki, bu ilin yanvarında Berluskoni ürək problemi ilə əlaqədar Monakoda təcili hospitalizə edilmişdi. 84 yaşlı siyasətçiyə ürək aritmiyası diaqnozu qoyulmuşdu.
Ötən ilin sentyabrında isə keçmiş Baş nazirə ikitərəfli pnevmoniya diaqnozu qoyulmuş, sentyabrın 14-də evə buraxılmışdı.
