Bəzi maskalardan təkrar istifadə çox təhlükəlidir. Modern.az xəbər verir ki, bu barədə TƏBİB-in məlumatında qeyd edilib.
Bildirilib ki, bir çox qoruyucu maskalar dəfələrlə istifadə üçün yararsız ola bilər:
“Mütəxəssislər bildirir ki, qoruyucu maskaları heç bir başqa antiseptiklə, xlorla və ya spirtlə dezinfeksiya etmək uyğun deyil, çünki bu təmizləmə üsulu təhlükəlidir və nəticə etibarı ilə zərərli buxarla nəfəs almağa səbəb ola bilər.
Bununla yanaşı, parça maskaları istehsal olunduğu materiala uyğun olaraq kifayət qədər tez-tez yumaq lazımdır. Çünki maskalar öz funksiyasını yalnız müəyyən saata qədər yerinə yetirir”.
