Modern.az

Ermənistanda Paşinyana ən böyük problem yaradan bu şəxsdir - ŞƏRH

Ermənistanda Paşinyana ən böyük problem yaradan bu şəxsdir - ŞƏRH

Dünya

30 Mart 2021, 16:05

“Aylardır müşahidə edirəm və gəldiyim qənaət budur ki, Ermənistanın baş naziri Nikol Paşinyana ən böyük problem yaradan mitinq keçirən daşnaklar və ya 74 yaşlı Vazgen Manukyan deyil. Paşinyana müharibədən sonra Azərbaycanla münasibətləri normallaşdırmağa mane olmağa çalışan əsas fiqur Ermənistanın Ombudsmanı Armen Totoyandır”.

Modern.az-ın məlumatına görə, bunu politoloq Elxan Şahinoğlu Ermənistandakı siyasi vəziyyəti şərh edərkən deyib.

Onun sözlərinə görə, bu şəxs daşnaklardan daha çox irəli gedib, Azərbaycan və azərbaycanlılar əleyhinə irqçi təbliğat aparır, vaxtilə işğal edilən sərhəd məntəqələrinin Azərbaycana təhvil verilməsinin əleyhinə çıxır və iki ölkə arasında sərhədlərin müəyyənləşməsinə mane olur.

“Bundan başqa, Armen Totoyan başda prezident İlham Əliyev olmaqla Azərbaycan rəsmilərinin açıqlamalarını diqqətlə izləyir və guya həmin açıqlamalarda erməni millətinə qarşı nifrət olduğunu nümayiş etdirməyə çalışır.

Armen Totoyan Nikol Paşinyanın siyasətini bəyənmir, ancaq bunu hələ ki açıq söyləmir. Totoyan etirazını o zaman bildirdi ki, Ermənistan hökuməti Ombudsman Aparatının büdcəsini azatlmaq istədi. Totoyan seçkiyə qədər Paşinyanın adını çəkmədən onun siyasətinə qarşı təbliğatını davam etdirəcək”.

 

 

Youtube
Kanalımıza abunə olmağı unutmayın!
Keçid et
Hərbi gəmilər döyüşə hazır vəziyyətə gətirildi