"Ölkə əhalisinin 80 faizinə, yəni 8 milyon insana vaksin vurulması məqsədilə 16 milyon doza peyvənd alınacaq. Artıq bununla bağlı müqavilələr bağlanıb".
Modern.az-ın məlumatına görə, bunu Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı deyib.
R. Bayramlı qeyd edib ki, bu, da pandemiyanın bitməsi üçün önəmli rəqəmdir:
"Yay aylarına qədər vaksinasiya prosesini uğurlu şəkildə bitirəcəyimizi düşünürük”.
TƏBİB sədri vaksinasiyadan keçənlərin çox azının koronavirusa yoluxduğunu, ancaq bu şəxslərin xəstəliyi yüngül keçirdiyini və bu qrupda ağır xəstəyə rast gəlmədiklərini sözlərinə əlavə edib.
