Milli Məclisdə müzakirəyə çıxarılacaq İnzibati Xətalar Məcəlləsinə daha bir dəyişiklik təklif olunur.
Modern.az xəbər verir ki, qanın, qan komponentlərinin donorluğu və qan xidməti haqqında qanunvericiliyin pozulmasına görə TƏBİB-ə məlumat verməyənlər cərimələnəcək
Dəyişiklikdə o da qeyd olunur ki, müalicə müəssisələri tərəfindən qanın, qan komponentlərinin resipiyentə köçürülməsi nəticəsində baş verən hər hansı ciddi əlavə təsirlər barədə köçürülən qanın, qan komponentlərinin tədarükünü edən qan xidməti müəssisəsinə (qan bankına) və müvafiq icra hakimiyyəti orqanının müəyyən etdiyi orqana (quruma) – TƏBİB-ə məlumat verilməməsinə görə-fiziki şəxslər qırx manatdan əlli manatadək məbləğdə, vəzifəli şəxslər əlli manatdan altmış beş manatadək məbləğdə, hüquqi şəxslər yüz manatdan yüz əlli manatadək məbləğdə cərimə ediləcək.
Məlumat üçün bildirək ki, bu məlumatlar Səhiyyə Nazirliyinə təqdim edilirdi.