Demokratik Cəmiyyət Uğrunda Müqavimət Hərəkatı (DCUMH) seçki qanunvericiliyi ilə bağlı təkliflərinin ictimai müzakirəsini keçirəcək. İctimai müzakirə 14 sentyabr 2012-ci il saat 11-00-dan 13-00-dək Beynəlxalq Mətbuat Mərkəzində keçiriləcək.
Bu barədə məlumatı DCUMH-nın İdarə Heyətinin üzvü, Aydınlar Partiyasının sədri Qulamhüseyn Əlibəyli verib. Onun sözlərinə görə, tədbirdə qurumun avqustun 6-dakı iclasında qəbul edilmiş “Seçki qanunvericiliyinin islahatının əsas istiqamətləri barədə” təklifləri müzakirə olunacaq. İctimai müzakirəyə beynəlxalq təşkilatların, səfirliklərin, siyasi partiyaların, QHT-lərin nümayəndələri eləcə də, seçki üzrə mütəxəssislər, politoloqlar, mətbuat nümayəndələri və s. dəvətlidirlər.