Metronun «28 May» stansiyasında quraşdırılan yeni eskalatorlar sentyabrın 15-i saat 12:00-da sərnişinlərin istifadəsinə veriləcək. Bu barədə Bakı Metropolitenindən Modern.az-a məlumat verilib.
Bildirilib ki, köhnə eskalatorun əvəzinə Almaniyanın «Thyssen Krupp» şirkətinin «Viktoriya» tipli 4 ədəd eskalatoru quraşdırılıb. Hal hazırda stansiyada son tamamlanma işləri gedir.
Qeyd edək ki, yeni layihə üzrə işlər bir qədər sonra həyata keçiriləcək. Bu zaman stansiyanın girişində problemlər yaşanmayacaq. Əsas işlər gecə saatlarında olacaq.
E.AĞAYEV