Azərbaycan Ordusu Ağdam rayonunun Sırxavənd kəndi istiqamətində irəliləyib.
Modern.az Ermənistan KİV-nə istinadən xəbər verir ki, Ordumuz sülhməramlı kontingentlə arasındakı neytral zonada mövqelərini daha əlverişli ərazidə yerləşdirib.
Ötən gün Ermənistan tərəfi Azərbaycan Ordusunun Sırxavənd kəndi istiqamətində mövqelərini 370 metr irəli çəkməsi və yalnız sülhməramlılarla danışıqlardan sonra əvvəlki mövqelərinə qayıtdığını iddia etmişdi.
Xatırladaq ki, keçmiş Ağdərə rayonunun tərkibində olmuş Sırxavənd kəndi Dağlıq Qarabağda azərbaycanlıların yaşadığı ən böyük kəndlərdən biri idi.
