Arxiv
14 Sentyabr 2010, 19:27 |
Tatamidən kresloya...

“Pekin Olimpiadasının qızıl medalçısı Elnur Məmmədli Yol Patrul Xidmətində baş inspektor vəzifəsinə təyin olunub. Olimpiya çempionu hər gün səhər saatlarında Yol Patrul Bölüyünün düzülüşlərində iştirak edir, hətta paytaxtda reydlərə çıxır”. Bu günlərdə mətbuatdan oxuduğum bu xəbərə təəssüfləndim, amma təəccüblənmədim. Təəssüfləndim ki, böyük idmanda ilk uğurunu qazanmış gənc güləşçimiz vaxtından əvvəl başqa sahəyə üz tutub. Təəccüblənməməyim isə az-çox ad çıxarmış idmançıların Azərbaycanda müxtəlif dövlət orqanlarına, xüsusən güc strukturlarına işə can atmalarının artıq adi hal olmasına görədir.

Gözümüzün qarşısında acı təcrübə var. Olimpiya çempionlarımız bu titulu yalnız bir dəfə qazana bilirlər. Niyə?

Sidney Olimpiadasının qalibi olmuş Namiq Abdullayev qalibiyyətindən 4 il sonra növbəti Olimpiadada məğlub olaraq geri döndü.

Afina Yay Olimpiya Oyunlarında yunan-roma güləşi üzrə çempion olmuş Fərid Mansurov ötən il keçirilmiş Pekin Olimpiadasında uduzdu. Azərbaycan televiziyasının şərhçisi F.Mansurovun ilk görüşdəcə məğlub olmasını onun “yüksək hərarəti və zədəli olması" ilə əsaslandırırdı. (Maraqlıdır, formada olmayan idmançı belə mötəbər yarışda nə üçün döşək üzərinə çıxır?).

Olimpiadada yeni iştirak edən və əvvəllər yüksək nəticə göstərməmiş idmançılar üçün belə hallar o qədər də faciəvi deyil. Lakin ötən Olimpiadanın qızıl medalçısının növbəti Olimpiadada ilk qarşılaşmadaca məğlub olması, həm o idmançının reytinqinə ciddi təsir göstərir, həm də onu izləyən təəssübkeşlərə üzüntü yaşadır.

Təəssüf ki, Azərbaycanda professional idmanla məşğul olan və bir-iki dəfə yüksək uğur qazanan idmançılarımızın əksəriyyəti bu nailiyyətləri şəxsi karyeraları üçün tramplin sayırlar. Burada "karyera" dedikdə idman karyerası başa düşülməməlidir. Özünü professional idmançı hesab edən şəxs karyerasının yüksəlişini də məhz bu sahədə görməlidir. Bizdə isə bir çox hallarda qızıl medal qazanan, bayraq qaldıran idmançılar ölkəyə qayıdan kimi çalışırlar ki, özlərinə polisdə, kömrükdə, vergidə, “fövqəladə hallarda” və başqa "prestijli" bir sahədə iş yeri tapsınlar. Hansısa beynəlxalq yarışda çempion olan bir ABŞ idmançısının "qayıdan kimi məni polisə götürüb, əməliyyat müvəkkili təyin edəcəklər" sevdasına düşməsi təsəvvür olunmazdır. Onlar idmana bir peşə kimi yanaşırlar.

Təəssüf ki, müxtəlif dövlət orqanlarına işə qəbul edilən adlı-sanlı idmançılarımız növbəti yarışa qədər öz üzərlərində işləməyə tənbəllik edirlər. Daha çox gündəlik işə vaxt ayıran idmançılarımız beynəlxalq arenalara çıxanda məlum olur ki, artıq "formada" deyillər. Mən idmançıların dövlət orqanlarında işə qəbuluna qarşı deyiləm. Xüsusilə hüquq-mühafizə orqanlarında fiziki cəhətdən sağlam insanların işləməsi gözəldir. Lakin müəyyən yaş həddindən sonra. Amma bizim idmançılar 4 il kresloda oturub, sonra da idman döşəyinə çıxmaqla uğur qazanmaq istəyirlər ki, bu da mümkün olan iş deyil... 

 

BU KATEQORİYADAN OLAN DİGƏR XƏBƏRLƏR
+ Arxiv
Təmizliyin İsveçrə modeli 15 Sentyabr 2019, 10:11 Bu gün “Qarabağ” - “Neftçi” oyunu keçiriləcək 15 Sentyabr 2019, 09:53 Ermənistan atəşkəsi 22 dəfə pozdu 15 Sentyabr 2019, 09:49 “Azərbaycan, gəldik!” deyən PAŞALAR 15 Sentyabr 2019, 09:18 Üç qadının sevdiyi rejissor... 15 Sentyabr 2019, 09:15 Metroda silahlı insident 15 Sentyabr 2019, 00:46 Mehriban Əliyeva İvanovkada Mədəniyyət Sarayının açılışında - FOTO 15 Sentyabr 2019, 00:31 Azərbaycanda Bilik günüdür 15 Sentyabr 2019, 00:15 Bakının azad olunmasından 101 il ötür 15 Sentyabr 2019, 00:01 Bakıda ağır qəza: 3 ölü, 6 yaralı 14 Sentyabr 2019, 23:50 5,9 bal gücündə zəlzələ oldu 14 Sentyabr 2019, 23:29 Qusarda itkin düşən qadın və azyaşlı qızı tapılıb 14 Sentyabr 2019, 23:07 Mehriban Əliyeva İsmayıllıda - FOTOLAR 14 Sentyabr 2019, 22:41 Səhiyyədə şəffaflıq və hesabatlılıq müzakirə olundu 14 Sentyabr 2019, 22:11 Rəqəmsal iqtisadiyyat şəraitində ali təhsilin üzləşdiyi əsas çağırışlar - REKTOR ÇIXIŞ YOLU GÖSTƏRDİ 14 Sentyabr 2019, 21:57 Mehriban Əliyeva Şamaxı Cümə məscidində olub - FOTOLAR 14 Sentyabr 2019, 21:44 ABŞ hərbi gəmisi İstanbul boğazında 14 Sentyabr 2019, 21:28 Neft emalı zavodunda partlayış 14 Sentyabr 2019, 21:16 Mehriban Əliyeva Şamaxıda məktəb açılışında - FOTOLAR 14 Sentyabr 2019, 21:02 Ağsu polisi aztəminatlı ailələri sevindirdi 14 Sentyabr 2019, 20:46 Mehriban Əliyeva  Şamaxıda əhali ilə görüşdü - FOTOLAR 14 Sentyabr 2019, 20:33 Çörçilin doğulduğu saraydan qızıl unitaz oğurlanıb 14 Sentyabr 2019, 20:16 Dayanıqlı inkişafa xidmət edən müasir təhsil strategiyası... 14 Sentyabr 2019, 20:01 Təhsil ekspertindən direktorlara sərt İTTİHAM: “Sevgililərini katibə, laborant götürürlər!” 14 Sentyabr 2019, 17:37 Əminə Dilbazinin Amerikadakı qızı İlham Əliyevə təşəkkür etdi: “Təkliflərim var” 14 Sentyabr 2019, 17:13 Taksi xidmətlərində gəlirlərin gizlədilməsinə necə mane olmalı... 14 Sentyabr 2019, 16:28 “Eldar Həsənov vəzifədən getdikdən sonra saxtakar müstəntiq və prokuroru böyütdülər” - Bir cinayətin TARİXÇƏSİ 14 Sentyabr 2019, 16:04 Binəqədidə təhsil konfransı keçirilib 14 Sentyabr 2019, 15:42 Ordumuzun tarixini yazan polkovnik: “Bakının azad edilməsi üçün əsas istiqamət “Qurd qapısı” götürülmüşdü” 14 Sentyabr 2019, 15:32 Məktəblərin ətrafında piyada keçidləri yenilənir 14 Sentyabr 2019, 15:06 Rusiyada ağır yol qəzası: 9 ölü, 20 yaralı... 14 Sentyabr 2019, 14:42 Təhsil naziri Biləsuvarda məktəb açılışına gedib 14 Sentyabr 2019, 14:29 Uyğun qiymətə mənzil təminatının inkişafına dair Strateji Yol Xəritəsi … 14 Sentyabr 2019, 14:27 İlham Əliyev iki yeni səfirin etimadnaməsini qəbul edib 14 Sentyabr 2019, 14:17 Dilçilik İnsititutunun direktoru: “Qarabağ dialektoloji atlasını çapa hazırlayırıq” - MÜSAHİBƏ 14 Sentyabr 2019, 14:12