Bu günə kimi 1 milyon 600 min nəfər ilk dozanı, 600 min nəfər isə ikinci dozanı alıb.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində Azərbaycan Respublikası Səhiyyə nazirinin birinci müavini Teymur Musayev bildirib.
Nazirlik rəsmisinin sözlərinə görə, iki dozanı almış vətəndaşlar arasında yoluxma sayları aşağı səviyyədədir:
“Yoluxanlar isə xəstəliyin ağır formasından tam qorunur”.
T.Musayev qeyd edib ki, ölkəmizdə ilk tətbiq olunan Sinovac şirkətinin “Coronavac” vaksinidir:
“Bu tam təhlükəsiz vaksindir. Qeyd edim ki, eyni zamanda digər vaksinlər də gətirilib və multiplatforma yaradılıb. Bu isə insanlara seçim imkanı verir".
