Arxiv
11 May 2021, 18:00 | PARLAMENT
Azərbaycanda deputat millət vəkillərinin maaşının azaldılmasını təklif etdi - ÖZƏL

Son günlər Azərbaycanda deputatların səlahiyyət və maaşının artırılması ilə bağlı geniş müzakirə gedir.

 

Bir sıra parlament üzvləri, hətta eks-deputatlar hesab edir ki, millət vəkillərinin seçicilərlə görüşü üçün maliyyə fondu yaradılmalıdır. Onların iddiasına görə, seçicilərlə görüş üçün mövcud maliyyə kifayət etmir.

 

"Qanunverici hakimiyyətlə icraedici hakimiyyətin səlahiyyətlərini qarışdırmağa ehtiyac yoxdur..."

 

Məsələyə münasibət bildirən Azərbaycan Demokratik İslahatlar Partiyasının sədri, deputat Asim Mollazadə Modern.az-a deyib ki, qanunverici hakimiyyətlə icraedici hakimiyyətin səlahiyyətlərini qarışdırmağa ehtiyac yoxdur.

 

 

Partiya sədri düşünür ki, deputatların öz işlərini həyata keçirmək üçün kifayət qədər səlahiyyətləri var: "Yəni deputatların ən əsas işi seçicilərin problemlərinin həllidir. Eyni zamanda, onların vəziyyətlərinin yaxşılaşdırılmasıdır. Bunula yanaşı, deputatlar icra strukturları və hökumət üzvlərinə sorğu göndərmək, ölkədəki müvafiq məsələlərlə bağlı ümumi vəziyyəti öyrənmək səlahiyyətlərinə və ona təsir etmək imkanlarına  malikdirlər.

 

Burada o səlahiyyətlərdən söhbət gedir ki, hakimiyyət bölgüsünə diqqətlə yanaşmaq lazımdır. Deputatlar icra funksiyalarına malik deyillər. Onlar qanunvericilik funksiyaları ilə yanaşı, müəyyən qədər hökumətlə hakimiyyət arasında bir körpüdür.

 

Seçicilərin şikayətlərini ifadə etmək imkanlarına malikdirlər. Mənə elə gəlir ki, deputatların maaşları müəllim və həkimlərin məvaciblərindən, imkanlarından qat-qat yaxşı olmamalıdır. Onlar uyğunlaşmalıdır. Bu, ölkənin orta maaş səviyyəsi ilə bağlıdır".

 

"Başa düşə bilmirəm ki, bəzi insanlar hansı səlahiyyətlərdən danışırlar..."

 

 

Asim Mollazadənin hakim partiyadan olan həmkarı, Milli Məclisin komitə sədri Tahir Rzayev isə düşünür ki, bu istiqamətdə qaldırılan məsələlər hərtərəfli reallıqları əks etdirmir.

 

Çünki deputatların səlahiyyətləri kifayət qədərdir. Əgər deputatlar onlara verilən səlahiyyətlər çərçivəsində hərəkət etsələr, fikrimcə, öz işlərini dolğun həyata keçirə bilərlər. Bir deputat kimi bizim ən başlıca səlahiyyətlərimizdən biri qanunvericilik aktlarının hazırlanmasıdır. Qanunlara əlavə və dəyişikliklərin edilməsidir. Bununla əlaqədar təkliflərin irəli sürülməsidir. Bu da göz qarşısında və kifayət qədərdir.

 

Digər tərəfdən, vətəndaşlarla görüşmək hər bir deputatın vəzifəsidir. Deputatlar insanların təkliflərini, arzu və istəklərini lazımi orqanlara çatdırmağa borcludurlar. İstənilən vaxt onların yanında olsunlar. Beynəlxalq səviyyədə təmsil olunmaq da bizim səlahiyyətlərimizə daxildir. Mən başa düşə bilmirəm ki, bəzi insanlar hansı səlahiyyətlərdən, istəklərdən danışırlar. Maddiyyat məsələsinə gəldikdə, fikirləşirəm ki, bu gün bizim aldığımız əməkhaqqı şəxsən məni qane edir.

 

Kimisə qane etmirsə, bu, onun öz işidir. Müəyyən insanlar var ki, onların əməkhaqqısı bizdən qat-qat aşağıdır. Müəllim və həkimlərin maaşında xeyli dərəcədə azalmalar var. Yəni, onların maaşı xeyli aşağıdır. Hansısa millət vəkili əlavə vəsait istəyirsə, o, ilk olaraq bu pulu hara sərf edəcəyini açıqlamalıdır.

 

Biz tez-tez rayonlara, seçicilərlə görüşlərə gedirik. Müəyyən qədər vəsaitlərə qənaət etmək lazımdır. Əgər bu gün ölkədə müəyyən insanların əməkhaqqı aşağıdırsa, mən şəninə sığışmaram ki, mənim maaşımı artırılsın. Hər kəs öz maaşına qənaət etməlidir. Vəzifə xərclərinə də mütləq qənaət olunmalıdır".

 

"Bir çox qurumlar parlament qarşısında elə bir qorxu hiss edə bilmirlər..."

 

 

Milli Cəbhə Partiyasının sədri, deputat Razi Nurullayev bildirib ki,  parlamentin səlahiyyətlərinin artırılması üçün qanunvericilik səviyyəsində addımlar atılmalıdır:

 

"Birinci növbədə parlamentin dövlət idarəçiliyindəki rolu artırılarsa, Milli Məclisin və onun üzvlərinin nüfuzu daha çox artırılmış ola bilər.

 

İlk növbədə parlamentin nüfuzunun artırılması üçün nazirlərin təyinatında, müxtəlif dövlət idarələrinin yaradılmasında və formalaşdırılmasında daha görüntülü, səlahiyyətli rola malik olmalıdır.

 

Hakimlərin təyini, Hesablama Palatasının yaradılması parlamentin səlahiyyətindədir. Amma bunlar çox azdır.  Bu mexanizmi daha da artırmaq mümkündür. Hazırkı nüanslar daha çox formal xarakter daşıyır. Ona görə də bir çox qurumlar parlament qarşısında ele bir qorxu hiss edə bilmirlər. Hesabat vermək, hesabatların yoxlanılması məsuliyyəti, qorxusu olmur".

BU KATEQORİYADAN OLAN DİGƏR XƏBƏRLƏR
+ Arxiv
Pakistan azad edilmiş ərazilərin bərpasında iştirak edəcək 19 İyun 2021, 13:16 Ruhani yeni seçilən İran prezidentini təbrik edib 19 İyun 2021, 13:09 Ermənistanda burulğan öncəsi “sükut” – Paşinyan “Qarabağ klanı” ilə həlledici DÖYÜŞƏ ÇIXIR 19 İyun 2021, 12:57 Daha 2 qazi yüksək texnologiyalı protezlərlə təmin edib - FOTO 19 İyun 2021, 12:42 Avtomobil bazarında son vəziyyət necədir? 19 İyun 2021, 12:40 Əli Əsədov Füzuli, Laçın və Zəngilan aeroportları ilə bağlı QƏRAR VERDİ 19 İyun 2021, 12:34 Ceyhun Bayramov Antalyadan dünyaya SƏSLƏNDİ: “Qarabağ münaqişəsi başa çatıb” 19 İyun 2021, 12:16 Sabah Azərbaycanda 40 dərəcə isti olacaq 19 İyun 2021, 11:47 Azərbaycanada 1 tondan artıq hind quşu dərisi yararsız çıxıb 19 İyun 2021, 11:45 Azərbaycanda benzin istehsalı azalıb 19 İyun 2021, 11:27 Tarixdə şəxsiyyətlərin rolu və qısqanclıq sindromu 19 İyun 2021, 11:15 İcra başçısı abadlıq işləri ilə yerində tanış oldu 19 İyun 2021, 11:06 İranda prezident seçkilərinin ilkin nəticələri… 19 İyun 2021, 10:59 Bakı Təhsil İdarəsinin yeni sektor müdirləri - Adlar 19 İyun 2021, 10:46 Azərbaycan neftinin qiymətləri dəyişib 19 İyun 2021, 10:44 Şuşada 7 tondan artıq çətənə kolu məhv edilib  19 İyun 2021, 10:38 AMEA-da 6 yeni TƏYİNAT 19 İyun 2021, 10:36 Şirvanda tanışını qətlə yetirən şəxs tutulub 19 İyun 2021, 10:23 "Danışa bilmir" deyilən Əkrəm Əylislidən AÇIQLAMA 19 İyun 2021, 10:10 Azərbaycan-Türkiyə: Xarüqələr yaradan birlik 19 İyun 2021, 10:05 “Əlçatan metro” xidməti - Kim, necə İSTİFADƏ EDİR 19 İyun 2021, 10:03 Rusiya Azərbaycana aviareyslərin sayını artıracaq 19 İyun 2021, 09:50 Azərbaycanın ən çox mal satdığı ölkələr - STATİSTİKA 19 İyun 2021, 09:37 İranın yeni prezidenti MƏLUM OLDU 19 İyun 2021, 09:35 Mübariz İbrahimovun şəhadətindən 11 il ötür - TARİX 19 İyun 2021, 09:25 Rusiyada təyyarə qəzası: 7 ölü, 13 yaralı 19 İyun 2021, 09:14 Ceyhun Bayramov İraqın xarici işlər naziri ilə görüşüb 19 İyun 2021, 08:44 İngiltərə Şotlandiya ilə bacarmadı 19 İyun 2021, 00:59 Bakıda uşağı elektrik cərəyanı vurdu 19 İyun 2021, 00:44 Ceyhun Bayramov Qaqauziyanın rəhbəri ilə görüşdü 19 İyun 2021, 00:31 UEFA-nın tövsiyəsi fitə basıldı 19 İyun 2021, 00:15 Bu gün Bakıda avtobuslar işləməyəcək 19 İyun 2021, 00:01 Türkiyənin gəmi əleyhinə raketi sınaqdan keçirildi - VİDEO 18 İyun 2021, 23:48 Kürdə batmaqda olan şəxs xilas edildi 18 İyun 2021, 23:33 Xırdalanda 7 yaşlı uşağı maşın vurdu 18 İyun 2021, 23:17
SORĞU AVRO-2020-nin qalibi hansı komanda olacaq?