Bu gün səhər saat 10 radələrində Bakı-Quba yolunun 106-cı km də, Siyəzən rayonu ərazisində iki avtomobilin aşması tıxaca səbəb olub.
Modern.az xəbər verir ki, Qubadan Bakı idtiqamətinə hərəkət edən nəqliyyat vasitələrinün sürücü və sərnişinləri yolda bir qədər ləngiməli olublar. Ağsu rayon sakini, 26 yaşlı İsmayıl Abuzərovun idarə etdiyi Qazel markalı avtomobillə Abşeron sakini,39 yaşlı Teyyub Məmmədovun idarə etdiyi DAF FTXF markalı yük avtomobili manevr edən zaman toqquşub və hər iki avtomobil aşıb.
DAF markalı yük avtomaşının aşması nəticəsində Bakı istiqamətinə yolun hərəkət hissəsi bir müddət bağlanıb. Görülən tədbirlərlə yolun açılması təmin olunub. Xoşbəxtlikdən xəsarət alan olmayıb.
Aytəkin ALXASLI
