Laçın Məmişovun şeirlər toplusu
Qara günün ağ köynəyi
Qara günün ağ köynəyi
Tez çirklənir, ləkələnir, tiftiylənir.
Qara üzün ağ bəbəyi
Heyrətlənir, hey böyüyür,
hey qızarır, gah bozarır.
Göy xəzərin ağ balığı
Qara kürü,qara bazar,
matahlanır, bahalanır
Qara neftin qara pulu
Qara günün mayası sən,
Qarabağa qara xəmir yoğurmusan
Dünən Babək doğan Ana,
Qara neftdən zəhərlənib
Bu gün qaçqın,
Bu gün köçkün doğurmusan
Mirzə Cəlililin Anası
Sorosların “qrantından”,
Minnət ilə gələn səfil səfirlərin--
Süfrəsinin artığından
Seymur Baycan doğurmusan.
Qara şəhər küçəsində,
Meyxanəyə Qarabağın adın verən
Sən Vətənə oğulmusan ?
Başına dəysin o Şuşa,
O, Qubadlı, O, Zəngilan.
Qara gündə, qara badə,
tuluğunu şərab ilə doldurmusan
Həcər, Nəbi nəvəsinin,
qara mini yubkasına vurulmusan.
Şou biznes mayasıyla,
ağ adına qara yaxdın.
Namusuna xain baxdın.
Qara gecə, qara gərdəy,
Ona üzü qara bir qız doğurmusan.
onun qara gözlərini ,
qara yollarda qoymusan.
Qara Mamed tində durub,
Kədərlənir, qəhərlənir,
qara tiryək, nəşə ilə bəhərlənir.
Qarabağın qara günü Qarabağda,
qarabağlı Qaradağda, qara cipdə,
Qəlbi qara, dərdi para,
dərdi ona vermir ara.
Qaraməryəm adlı kəndi var.
Qara paltar bir Ana var,
həmin kənddə, saçları ağ
Qara uzun bir gecədə,
şəhid oldu, gözünün ağı qarası
Bircə qara göz balası
Qara kağız aldı Ana,
saçlarını yoldu Ana,
ağlamaqdan görmür gözü,
kordu Ana,
Qara qəbir daşlarını
Vartan sökür, izimizi çaya tökür,
özünə yeni ev tikir
Natəvanın baş daşından,
Üzeyirin döş daşından
Bu millətin boş başından,
Şah Abbas minarəsinin qaş daşından
Sərvət yığır, dövlət yığır,
əsir qızla şəhvət boğur
Hamımızdan qeyrət yağır, yağış kimi,
Əsir qızın göz yaşından yağan yağış
Laçın qara yara tapıb,
qara yağış sularından
Əl götürür dərgahına yaradanın,
sən ey Rəbbim....... !
Savaş nəsib et millətə,
Vətənə mücahid olaq, Şəhid olaq
Ya var olaq millət kimi, ya yox olaq !
Könlümün sultanı Şamaxı şəhəri 09.09.2011
**********************
Sən oldun SƏN !
Dostum olmaq istəyirsən,sevdiyim bil sən oldun sən
Sevənlərim dostum oldu, seçdiyim bir sən oldun sən
Eşqin uzun bir yol oldu, gözlərim bulud tək doldu
Sənlə açdı, sənsiz soldu, saçlarımda dən oldun sən
Ərşə qalxıb ahu-naləm, doldu möhnət-qəmi badəm
İçdim yanaq oldu laləm, bihuş olub mən oldun sən
Ləbin əlçatmaz bir zirvəm, vüsalın Məkkəm həm, qibləm
Can atmışan fəth edəm mən, yolumda bir çən oldun sən
Yusifəm etmisən əsir, sənsiz dil-dodağım əsir
Xəzanlar ömrümə əsir, Züleyxaya tən oldun sən
Gözümdə surətin daim, ruhum məhkum sən bir hakim
Sevdiyim, seçdiyim yarim, ram eyləyən zən oldun sən
Gecə tək zülfün var qara, çəkmisən Laçını dara
Oxudun hökmün aşkara, boynunda rəsən oldun SƏN !
Laçın Məmişov
Şamaxı şəhərinin Bakı əyaləti 28 sentyabr 2012-ci il
Olmalıdır
Yükü ağır daşsan əgər yerin qürbət olmalıdır
Vətən daşı olsan məgər, günün zillət olmalıdır?
Məmurların qızar gözü, kökə tək qızarar üzü
Salam verib boyun burma, salam rüşvət olmalıdır
Cəhalət artıbdır xeyli, xaric səslə oxur Leyli
Səhnəyə saldınsa meyli, zaçot şəhvət olmalıdır
Xəlqin içi cürüyübdür, kasıbçılıq bürüyübdür
Banklar güncə diriyibdir, üsyan qeybət olmalıdır
Yıxdığını əzənlərin, məzlum başı kəsənlərin
Anasından küsənlərin, zatı mürtət olmalıdır
Bülbül bağdan uzaq düşüb, gül qoncəsi yanıb, bişib
Bahar deyirlər yetişib, çün hürriyyət olmalıdır
Xilaskarı rəqib bilib, tarixini təmiz silib
Haqqa torbalar tikilib, insaf mürvət olmalıdır
Laçın bitdi burda pərdə, düşdük sağalmaz bir dərdə
AZƏRBAYCAN adlı yerdə, TÜRK milliyyət olmalıdır
Laçın Məmişov
Şamaxı şəhərinin Bakı əyaləti 16 sentyabr 2012 - ci il
****************************
Payızın ilk ehtirasını hiss etdik, qələm Sabiranə dilə gəldi...
Göydə gecə ildırım çaxanda
Həsrət dolu gözdə yaş axanda
Çöldə yağışa durub baxanda
Beynində bir ehtiras çaxanda
Ətrim dəxi hiss edib yaxanda
Yad et məni gizli-gizli yad et !
Bir gün oyanıb sübhi-səhərdə
Gördüm səni qüss-qəm qəhərdə
Gəlmişdi payız, xəzan şəhərdə
Sanki Bakıya çəkibdi pərdə
Bir bax gözəlim, gəlir bəhər də
Yad et məni dadlı-dadlı yad et !
Vardı qəmi-hicri hər baxışda
Hicran arayırdı çün yağışda
Ey nazlı nigar bu cür naxışda
Həsrət aranırmı ilk baxışda ?
Yaşlar qarışıb bu şırhaşırda
Yad et məni nəmli-nəmli yad et !
Gördüyün xəzan əcəb xalıymış
Vallah bu payız ilin xanıymış
Fincandakı qəhvə eşq falıymış
Sevdiyin yarın sənin yarınmış
Qismət və qədərdə çün varıymış
Yad et məni sirli-sirli yad et !
İllər keçəcək göyün üzündə
Seyr eyləyərək o gül üzündə
Simanda kədər, əlin dizində
Körpəm gözümü daşır özündə
Baxsan görərək izim gözündə
Yad et məni gözlü-gözlü yad et !
Bir gün gələcək bilərsən əlbət
Şair necə çəkdi cövrü zillət
Duymaz onu naləsin o xəlvət
Çəkmiş nə qədər ələm-müsibət
Tarix Laçına verəndə qiymət
Yad et məni qəmli-qəmli yad et !
Laçın Məmişov
Şamaxı şəhərinin Bakı əyaləti 24 sentyabr 2012 - ci il
****************************************
Qınama gəl məni dost çeşmi-nəmin göstərirəm
İstəməm kimsə sana, eşqi qəmin göstərirəm
Elə bir dərdi-bəlaya düçar etmiş ki, Xuda
Görmədim nəşəsini, çün ələmin göstərirəm
Bircə gün çəksə əgər, halımı anlardı mənim
Çətin anlar ona mən tək sələmin göstərirəm
Aşiqin aqibətin bilməyə gər meyl eləsən
Qeysi səhrayə salan, min sitəmin göstərirəm
Gecə tək zülfünə qaldım necə həsrət yarımın
Əslinin hicrinə yanmış Kərəmin göstərirəm
Sorsalar kimdi bu atəşli sətirlərlə yazan
Laçının xatirəsiyçin qələmin göstərirəm
Laçın Məmişov
13 sentyabr 2012-ci il Şamaxı şəhərinin Bakı əyaləti
*********
Canına canımdı qurban çox olur, sandan çıxır
Nə qədər can-can deyən olsa çıxan candan çıxır
Molla gördüm dün şəhərdə, sanki bir avtoş idi
Yoxlanıldı bəlli oldu alkoqol qandan çıxır
Həccə getmişdi elin bir çox haramxor məmuru
Bircə ay dözdü imanla, məkri şeytandan çıxır
Hər nəyin ki, yoxdu dünyada analoq-zadları
Ginnesi heyran edir, çün bircə ünvandan çıxır
Təhsilindən ibrət almaq istəmir Xeybər Conun
Gay-klub icad edir mütrüflük oğlandan çıxır
Yol verir, asfalt verir, avto verir, banklar soyur
Banditi axtarma oğlan bandit orqandan çıxır
Canla başlandı Laçın, canla bitir getsin daha
Can yanırsa bəllidir sözsüz ki, Şirvandan çıxır
Laçın Məmişov
************************************
Səndədir
Dilbərim can almısan, fəsli-baharım səndədir
Köksümü qan eylədin, gəl iftixarım səndədir
Yarı getdi, yarı qaldım, yardan oldum ey təbib
Yarələnmiş cismimə dərman, vüqarım səndədir
Bir zamanlar sən var idin, var idi dovranımız
Dövranım getdi, apardın, gəl zamanım səndədir
Sən gedən gündən məkanım boz susuz səhra olub
İmdad eylə ey nigarım, zəmzəm-abım səndədir
Min suallar verdilər nadanlar əhvalım görüb
Min kərə zikr eylədim, tək bir cavabım səndədir
Düşmüşəm meyxanələr içrə töküb göz yaşımı
Gəl inamım, etiqadım çün imanım səndədir
Bil Laçın əhli-cəhənnəm olmağa amadədir
Tək nicatım gəlməyindir ol gümanım səndədir
Laçın Məmişov
Şamaxı şəhərinin Bakı əyaləti 10 sentyarb 2012-ci il
******************************************
Çox olub tənə vuranlar niyə qəmnən yazıram ?
Qəm yüküm ümman olubdur deyə qəmnən yazıram
Gecələr ərşə çıxan naləmi bilsə qəmi kəm
Anlayar mən dəxi pərvanəyə şəmnən yazıram
Bu cahan mülki ki, var adəmə bir zindan olub
Həsrətin çəkdiyimə gözləri nəmnən yazıram
Yazıram şükrü Xudaya, daşıyıb qəm yükümü
Yetirər vəslinə gül üzlü sənəmnən yazıram
Gəlir ilham pərim ondan alıram öz gücümü
Elə zənn eyləmə qafil ki, sinəmnən yazıram
Fələyin yazdığı qismətdi, qədər var şübhəsiz
Gündə min yol eləyib çün o sitəmnən yazıram
Güneyim dar, Qarabağ xar, İrəvan varsa əgər
Bu qədər dərdi sərimdən elə cəmnən yazıram
Bülbülün ahu fəğanı xarə kar etmədisə
İçi ağlar Laçının oldusa bəmnən yazıram
Laçın Məmişov
Şamaxı şəhərinin Bakı əyaləti 15 avqust 2012-ci il
*****************************************
“De...məni sevərsən mən sevən kimi ?”
Susdun yenə sükütünla danışdın,
Hicarna, həsrətə yaman qarışdın.
Başını sinəmə qoyub soruşdun:--
“De...məni sevərsən mən sevən kimi ?”
eşitdin sinəmdə çırpınır ürək,
Elə çırpınır ki, sanki bir külək.
Qoparır gətirir sənə eşqimi
De...sevəcə bilərsən mən sevən kimi !?
Ruhum pərvaz edir eşq səmasında,
Tanrı zühr elədi yar simasında.
Gözün Tövfi-hərəm dönsəm başına,
De...edərsən inam mən edən kimi ? !
Dilində “yox”- dedin, gözündə gördüm,
Saçına güllərdən bir çələng hördüm.
Laçın xəstələnsə, diləsə yardım,
De...edə bilərsən mən edən kimi ?
İstədiyindir
Sən istədiyin hiss eləsən istədiyimdir,
Mən istədiyim mən qədəri istədiyindir.
Mən bəsləmişəm gizli günahı sənin üçün,
Sən bəslədiyin məndə olan istədiyindir.
Dil yox dedi, qəlb çox dedi, ey dil bir aman ver,
Zənn etmə ki, hər istədiyin istədiyimdir...
Hicrimlə gecə şəmə dönüb tövhi hərəm tək ,
Səbrin tükənəndə arayıb bəs dediyimdir.
Düz anlamış idin məni sən darə çəkəndə,
Ya edam elə ya da ipi kəs dediyimdir .
Olsaydı mənim istəyimə zərrəcə şübhən,
Məndən sayayı qeyrisi nakəs dediyindir .
Bu sevgi ki var, sanki tufan eşq dənizində
Sanma Laçını hifz ola Yafəs dediyindir .
Şamaxı şəhərinin Bakı əyaləti 26 aprel 2012-ci il
CƏKMİŞƏM
Ey mənim qönçə gülüm, vallahi nazın çəkmişəm,
Röyada gördüm ləbindən mən gülabın çəkmişəm.
Dün səni incitidiyimçün dar olub dünya mənə,
Bilmədin səndən sarı vicdan əzabın çəkmişəm?!
Səndən özgə bir kəsim yox, rəhm elə hircan çilə,
Bircə gün səndən iraq min iztirabın çəkmişəm.
Sən günəşsən, mən bimarın çıxmasan zülmətdəyəm,
Zülmətin cövrün görüb, zikr edib adın çəkmişəm.
Cənnəti üqbada versən, istəməm ondan uzaq,
Qoy olum əhli cəhənnəm, çün şərabın çəkmişəm.
Qəmi-hicrinlə yarıb bağrım, harayım tar kimi,
Qanə dönmüş qəlbimə xəncər mizrabın çəkmişəm.
Tanrı lütf etsin Laçın ,qəm çəkməyə güc olmasa,
Qəm yüküm ümman olub, gül üzlü tabın çəkmişəm.