Dünən Moskvada Azərbaycan və Ermənistan rəsmiləri arasında görüş keçirilib.
Modern.az Erməınistanın “Joxovurd” qəzetinə istinadən xəbər verir ki, görüşün nəticəsinin müzakirəsi üçün son günlər Rusiyada olan sülhmərmalı kontingentin komandanı Rüstəm Muradov bu gün Yerevana gedəcək.
“Moskva görüşündə Ermənistanı Baş Qərargah rəisinin müavini Arşak Karapetyan, Sərhəd Qoşunlarının Baş Qərargah rəisi Arman Qasparyan, Azərbaycan tərəfini isə Xarici Kəşfiyyat Xidmətinin rəisi Orxan Sultanov rəmsil edib. Yerevanda Muradov Moskva danışıqlarının nəticələrini təqdim edəcək. Görüşdə ilk növbədə, Azərbaycan-Ermənistan sərhədində saxlanılan 6 erməni hərbçinin azad olunması müzakirə edilib”- deyə qəzet yazır.
