Türkiyənin xarici işlər naziri Mövlud Çavuşoğlu Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrellə görüşüb.
Modern.az-ın xəbərinə görə, bu barədə Türkiyə XİN başçısı “Twitter”də bildirib.
Görüşdə Türkiyə-Aİ gündəmində duran məsələlər, Gömrük İttifaqının yenilənməsi, miqrasiya və viza rejiminin liberallaşdırılması müzakirə olunub.
Xatırladaq ki Aİ-nin Ali Nümayəndəsi Cənub-Şərqi Avropa Əməkdaşlığı Prosesi və Antalya Diplomatiya Forumunun iclaslarında iştirak etmək üçün Türkiyədə səfərdədir.