İngiltərənin məşhur futbol komandası “Mançester Yunayted” Azərbaycanda öz akademiyasını açmağa hazırlaşır. Bununla bağlı oktyabrın 15-də tədbir keçiriləcək və ətraflı məlumat veriləcək. Bəs digər məşhur komandaların ölkəmizdə öz akademiyalarını yaradacaqmı?
Bununla bağlı Modern.az-a məlumat verən AFFA-nın mətbuat xidmətinin rəhbəri Mikayıl Nərimanoğlu qeyd edib ki, bu, bizim klublardan asılıdır.
Onun sözlərinə görə, dünya futbol komandalarının Azərbaycanda təmsilçiliyinin açılması AFFA-nın deyil, klubların işidir. “Məşhur komandaların Azərbaycanda məktəb açması, akademiya yaratması bizim klublardan asılıdır. Hər hansı bir klub dünyanın istənilən klubu ilə müqavilə bağlayıb öz məktəbini aça bilər”, – deyə M. Nərimanoğlu bildirib.
Sevinc İltifatqızı
