Daxili İşlər Naziri (DİN) general-polkovnik Ramil Usubov bölgələrdə vətəndaşları qəbul edəcək. Bu barədə Modern.az-a DİN-nin mətbuat xidməti məlumat verib. Nazirlikdən bildirilib ki, general-polkovnik Ramil Usubov tərəfindən oktyabr ayının 13-də Quba rayonunda vətəndaşların qəbulu keçiriləcək. Həmin qəbulda nazir Quba, Qusar, Xaçmaz, Şabran, Siyəzən, Xızı rayonların sakinlərini qəbul edəcək. Vətəndaşların qəbulu Quba rayon polis şöbəsində keçiriləcək. Qəbul saat 11:00-da başlayır.
Modern.az