“İran hökumətinin büdcəsi təzyiq altındadır və hökumət bəzi sahələrdə xərcləri azaldıb”. Modern.az “Əl-Ərəbiyyə” telekanlına istinadən bildirir ki, İran prezidenti Əhmədinejad ilk dəfə ABŞ iqtisadi sanksiyalarının ölkə iqtisadiyyatna vurduğu zərbəni etiraf edib. Məlumatda deyilir ki, Əhmədinejad çıxışında bildirib ki, İranın Qərbin iqtisadi sanksiyalarının öhdəsindən gəlməklə mübarizə aparır.
“Hazırda biz büdcə baxımından təzyiq altındayıq. Bəzi yerlərdə büdcə sıfır həddindədir və ya 25 faiz kəsirdədir”.
Əhmədinejad ölkə büdcəsi üzərindəki təzyiqin səbəblərini qeyd etməsə də, onun çıxışından bəlli olur ki, Qərbin İranın nüvə proqramına görə tətbiq etdiyi sanksiyaları dövlət gəlirlərinə böyük zərbə vurub. İran rialının dəyərinin azalması da büdcəyə ziyan vurub.