Ermənistan silahlı qüvvələrinin N saylı hərbi hissəsinin əsgəri Artur Qazaryanın güllələnmə faktı olə əlaqədar cinayət işi açılıb.
Modern.az Ermənistan mətbuatına istinadən xəbər verir ki, hadisə ilə bağlı Cinayət Məcəlləsinin 365-ci maddəsinin 3-cü hissəsi ilə cinayət işi başlanıb. Hadisəni törətməkdə şübhəli bilinən döyüş mövqeyinin komandiri saxlanılıb.
Xatırladaq ki, iyulun 16-da N saylı hərbi hissəsinin əsgəri, 2001-ci il təvəllüdlü Artur Qazaryan hərbçi yoldaşı tərəfindən açılan atəşlə öldürülüb.
Məlumatda görə, hadisəyə silahla düzgün davranma qaydalarının pozulması səbəb olub. Ermənistan İstintaq Komitəsinin mətbuat xidmətinin məlumatına görə, Qazaryan hərbi xəstəxanaya aparılarkən yolda ölüb.
