Bu gün Azərbaycanın Xalq şairi Məmməd Arazın xanımı Gülxanım Fətəliqızı ilə vida mərasimi keçirilib.
Modern.az-ın məlumatına görə, vida mərasimində mərhumun ailə üzvləri, yaxınları, ədəbiyyat nümayəndələri iştirak ediblər.
Daha sonra mərhumun cənazəsi Badamdar qəsəbəsi ərazisində yerləşən qəbiristanlıqda torpağa tapşırılıb.
Qeyd edək ki, Gülxanım Fətəliqızı ötən gün 88 yaşında dünyasını dəyişib.
Xatırladaq ki, Xalq şairi Məmməd Araz 2004-cü ildə vəfat edib. O, Fəxri Xiyabanda dəfn olunub.
Allah rəhmət eləsin!
