Modern.az

Məşhur şirkət İsmayıllıda zavod tikəcək - EKSKLÜZİV

Məşhur şirkət İsmayıllıda zavod tikəcək - EKSKLÜZİV

23 İyul 2021, 13:43

“Azərbaycan Coca-Cola Bottlers” MMC ölkəmizdə beynəlxalq keyfiyyət və təhlükəsizlik standartlarına cavab verən yeni istehsal zavodu quracaq.

 

Modern.az-ın əldə etdiyi məlumata görə, zavod İsmayıllı rayonu ərazisində inşa ediləcək. Artıq yeni zavodun tikiləcəyi ərazi müəyyən edilib. 

 

Xatırladaq ki, bu il fevralın 1-də İqtisadiyyat Nazirliyi və “Azərbaycan Coca-Cola Bottlers” MMC arasında Azərbaycanda yeni zavodun tikintisi barədə Anlaşma Memorandumu imzalanıb. Belə ki, investisiya planına əsasən, 30 milyon ABŞ dollarından çox sərmayə qoyuluşu nəzərdə tutulub.

 

Müəssisədə 100-ə yaxın yeni iş yerinin açılması nəzərdə tutulur ki, bu da bölgədə məşğulluğun artmasına töhfə verəcək.

 

Qeyd edək ki, 1996-cı ildən Azərbaycanda fəaliyyət göstərən Coca-Cola ölkənin qeyri-neft sektorunda ən böyük xarici investorlardan biridir. 400 nəfərdən artıq əməkdaşı olan “Azərbaycan Coca-Cola Bottlers” MMC indiyədək ölkə iqtisadiyyatına 200 milyon dollardan çox sərmayə yatırıb və dövlət büdcəsinə 300 milyon manatdan artıq vergi ödəyib.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir