Parlament sədrlərinin üçtərəfli görüş formatı böyük bir fürsətdir. Parlamentlərimiz qanunvericiliyi nəzərdən keçirərək ticarət üçün əlverişli şərait yaratmalıdır.
Modern.az xəbər verir ki, bunu Pakistan Milli Assambleyasının sədri Əsəd Qeysər Azərbaycan-Türkiyə-Pakistan parlament sədrlərinin birinci üçtərəfli görüşündə çıxışı zamanı deyib.
Ə.Qeysər Azərbaycan və Türkiyə mədəniyyət mərkəzlərinin Pakistanda yaradılmasını təklif edib.
“Eyni zamanda birgə sənədli filmlər çəkməliyik. Biz tələbə mübadiləsi həyata keçirməliyik”, - deyə pakistanlı spiker vurğulayıb.
Qeyd edək ki, Milli Məclisdə ilk dəfə Türkiyə, Azərbaycan və Pakistan parlamentlərinin sədrləri Mustafa Şentop, Sahibə Qafarova, Əsəd Qayserinin üçtərəfli görüşü keçirilib.
