Ermənistan prezidenti Serj Sərkisyan gözlənilmədən Azərbaycanın Dağlıq Qarabağ bölgəsinə səfər edib. Modern.az-ın erməni mətbuatına istinadən verdiyi məlumata görə, Serj Sərkisyan və qondarma respublikanın “prezidenti” Bako Saakyan, Ermənistanın müdafiə naziri Seyran Ohanyan və eləcə də yüksək rütbəli zabitlər Qarabağda keçirilən hərbi təlimləri izləyiblər. Prezident hərbi təlimləri izlədikdən sonra Dağlıq Qarabağda yerləşdirilən erməni silahlı qüvvələrin maddi-texniki bazasını və əsgəri heyətin hazırlıq səviyyəsini baxışdan keçirib. Daha sonra Sərkisyan Qarabağda inşa edilən Georgi kilsəsinin açılış mərasiminə qatılıb.
A.RÜSTƏMOV