2012-ci il Həcc mövsümündə Məkkəni 4 milyon zəvvar ziyarət edib. Modern.az “Əl-Ərəbiyyə” telekanalına istinadən bildirir ki, bu barədə Məkkə region valisi və Mərkəzi Həcc Komitəsinin sədri Xalid Əl-Faysal keçirdiyi mətbuat konfransında deyib.
Xalid Əl-Faysal bildirib ki, zəvvarların təhlükəsizliyini 120 min nəfər qoruyub. Bundan əlavə, 10 min minik vasitəsi, 360 pilot və texnik tərəfindən idarə olunan 25 mülki müdafiə və 20 ictimai təhlükəsizlik helikopteri, 30 min müşahidə kamerası, 200 təhlükəsizlik mərkəzi vasitəsilə zəvvarların təhlüksizliyi təmin edlib.
Səudiyyə Ərəbistanı Həcc infrastrukturunu inkişaf etdirmək üçün böyük miqdarda pullar xərcləyir. Böyük Məscid, Ərəfat dağı, Əl-Cəmərat körpüsü kimi əsas Həcc bölgələrində yüzlərlə kamera və monitorlar quraşdırılır.
