Azərbaycanın sabiq xarici işlər naziri, keçmiş səfir Vilayət Quliyev işğaldan azad olunmuş Şuşa şəhərinə səfər edib.
Modern.az xəbər verir ki, sabiq XİN başçısı bu barədə sosial şəbəkə hesabında məlumat paylaşıb.
Paylaşımda deyilir:
"Nəhayət, mən də qovuşmaq üçün müqəddəs məkanlarda - Qüdsdə, Məkkədə, Mədinədə, Kərbəlada, Vatikanda, Əshabi-kəhfdə dualar etdiyim Şuşaya gəldim, sonuncu dəfə 31 il əvvəl olduğum əfsanəvi Cıdır düzünü gəzib dolaşdım. Təbii ki, təkcə dualar sayəsində deyil, ilk növbədə Azərbaycan əsgərinin mərdliyi və cəsurluğu, Ali Baş Komandanın qətiyyəti və iradəsi, xalqımızın birliyi və əzmi sayəsində...Əziz şəhidlərimizin həyatı bahasına".
