Rusiyanın Noqinsk şəhərində çoxmənzilli yaşayış binasında baş vermiş partlayışda ölənlərin sayı 7 nəfərə çatıb.
Modern.az xəbər verir ki, hadisə nəticəsində daha 15 nəfər, o cümlədən iki uşaq xəsarət alıb.
Məlumata görə, dağıntılar altında qalan iki nəfərin cəsədi aşkarlanıb. Hadisə yerində axtarış-xilasetmə əməliyyatı davam etdirilir.
Xatırladaq ki, dünən səhər saatlarında Moskva vilayətinin Noqinsk şəhərində yerləşən çoxmənzilli binada güclü partlayış olub. Hadisə nəticəsində 24 mənzilə ziyan dəyib. 170-dən çox sakin binadan təxliyə olunub.
Partlayışa qaz sızmasının səbəb olduğu deyilir.
