Əfqanıstan vətəndaşı Mir Nazir yeddi nəfərlik ailəsini aclıqdan xilas etmək üçün övladını satışa çıxarıb.
Modern.az xarici KİV-ə istinadən xəbər verir ki, səfalət içində yaşayan ata çıxış yolunu 4 yaşlı qızı Safiyəni satmaqda görür. O, övladını 590 dollara satmaq məcburiyyətində qaldığını bildirib.
Məlumata görə, Safiyəni satın almaq üçün bir neçə nəfər Nazirə müraciət edib. Lakin qiymətdə razılığa gələ bilməyiblər.
Qeyd edilib ki, Mir Nazir keçmiş polis əməkdaşıdır. O, ailəsi ilə birlikdə paytaxt Kabildə yaşayır.
