ABŞ-ın İraqdakı hərbi hissələri 2022-ci ilin dekabrın 31-nə kimi ölkə ərazisini tərk edəcəklər.
Modern.az xəbər verir ki, bu barədə İraq ordusunun birləşmiş qərərgahının nümayəndəsi, general Tahsin əl-Həfaci mətbuata məlumat verib. O bildirib ki, iki ölkə arasında aparılan dialoq nəticəsində qərar qəbul edilib.
Generalın sözlərinə görə, hazırda ABŞ-ın hərbi hissəlləri İraqın Eyn əl- Asad və İraq Kürdüstanının Əl-Həriri bölgələrində yerləşib.
Ötən ay İraqın Baş naziri Mustafa əl-Kaiminin ABŞ-a səfəri zamanı bu məsələ Prezident Cozef Baydenlə müzakirə edilib.
