Arxiv
13 Oktyabr 2021, 15:38 | PARLAMENT
İşğalçı Hadrutun strateji əhəmiyyətini dərk edirdi

“Vətən müharibəsinin gedişini diqqətlə izləyənlər, eyni zamanda, bu Qarabağ bölgəsinə yaxından bələd olanlar Hadrutun istər hərbi nöqteyi-nəzərdən, istərsə də strateji baxımdan böyük əhəmiyyət daşıdığını yaxşı bilirlər. Çünki savaş günlərində qəsəbə ətrafında yerləşən yüksəklikər bu geniş əraziyə nəzarət etməyə imkan verirdi. Buna görə də Hadrutu düşməndən təmizləmək hərbi cəhətdən çox çətin idi. Bu, Silahlı Qüvvələrimizdən peşəkarlıq, şücaət tələb edirdi və döyüşlərdə əsgər və zabitlərimizin bu yaşayış məntəqəsi uğurunda apardıqları əməliyyatlarda göstərdikləri qəhrəmanlıq nümunələri də bunu göstərdi. Eyni zamanda, Azərbaycan Ordusunun qarşıdakı döyüşlərdə də inamla irəliləməsini, daha parlaq nəticələr əldə etməsini şərtləndirdi. Bax, bütün bunlara görə bu yaşayış sahəsinin müzəffər ordumuz tərəfindən işğaldan azad edilməsi cəbhədə parlaq qələbə qazanılmasında önəmli amillərdən biri oldu”.

 

Bu fikirləri Modern.az-a açıqlamasında Milli Məclisin deputatı, YAP-ın İdarə Heyətinin üzvü Rəşad Mahmudov bildirib.

 

Deputat qeyd edib ki, dövlət başçısı İlham Əliyev Xocavənd rayon ictimaiyyətinin nümayəndələri ilə görüşündəki çıxışında da bu məqama toxunub:

 

“Cənab Prezident bildirdi ki, Hadrut  əməliyyatının uğurla başa çatması bizə imkan verdi ki, öz hədəfimizə - Qarabağın azad edilməsinə nail olaq: “Hadrutun yerləşməsi bu bölgədə strateji nöqteyi-nəzərdən xüsusi əhəmiyyətə malikdir, çünki dağlıq ərazidir. Qəsəbə ətrafında yerləşən təpələr böyük əraziyə nəzarət etməyə imkan verir və Hadrutu götürmək hərbi nöqteyi-nəzərdən çox çətin idi. Eyni zamanda, Hadrutu götürməklə bizim gələcək planlarımız üçün yeni imkanlar açıldı...”.

İşğalçı Hadrutun son dərəcə strateji əhəmiyyətə malik ərazi olduğunu aydın dərk edirdi. Azərbaycan Prezidenti çıxışında vurğuladığı kimi, müharibə zamanı Ermənistan ordusunda on mindən çox fərarinin qeydə alınmasına və düşmənin bəzi yaşayış məntəqələrindən tələm-tələsik qaçaraq çıxmasına baxmayaraq, düşmən Hadrutda müqavimət göstərdi, ona görə də burada bir neçə gün şiddətli döyüşlər getdi. Lakin o, Azərbaycan əsgər və zabiti qarşısında öz acizliyini dərk edərək, bu ərazidə də ağır məğlubiyyətə uğradı”.

 

 R. Mahmudov açıqlamasında diqqəti bir məqama da yönəldib:

 

“Azərbaycan Prezidenti çıxışında qeyd etdiyi kimi, Ermənistan rəhbərliyi və ordusu Silahlı Qüvvələrimizin Cəbrayıldan sonra Hadrut istiqamətinə hücumunu gözləmirdi. Düşmən təhlükəni Füzuli səmtindən təxmin edirdi. Çünki Hadrutda işğalçının çox böyük canlı qüvvəsi var idi. Ümumiyyətlə, hərbi nöqteyi-nəzərdən Hadrutu düşməndən təmizləmək böyük fədakarlıq və peşəkarlıq tələb edirdi. Azərbaycan Ordusu isə bu əməliyyatı keçirməklə öz güc-qüdrətini Ermənistana bir daha nümayiş etdirdi.

 

Yeri gəlmişkən, Hadrutun timsalında deyə bilərəm ki, işğalçı Qarabağ və ətraf yaşayış məntəqələrimizi qəsb etməklə Azərbaycan əhalisini etnik təmizləməyə məruz qoyub, eyni zamanda, bütün şəhər və kəndlərimizi, tarixi abidələrimizi tamamilə dağıdıb, təbii sərvətlərimizi talayıb. Lakin qəsbkar bununla belə, 30 il ərzində özü üçün də normal bir həyat şəraiti yaratmayıb. Amma işğalı sonsuza qədər davam etdirməyi qarşıya əsas məqsəd qoyub. Təəssüf ki, dünyanın nüfuzlu dövlətləri, beynəlxalq təşkilatlar tərəfindən bu qəsbkarlıq faktı susqunluqla qarşılanıb, düşmənin talan və barbarlığına  göz yumulub”.

 

Parlamentarinin sözlərinə görə, bu gün Hadrut həyatının yeni mərhələsini-tikinti-quruculuq dövrünü yaşayır:

 

“Dövlət başçısı çıxışında da qeyd etdi ki, bu qəsəbə yaxın gələcəkdə beynəlxalq mədəniyyət və turizm mərkəzi kimi tanınacaq. Hadrut işğaldan azad olunan bütün digər ərazilər kimi bərpa olunacaq.

Qəsəbənin baş planının hazırlanmasının yaxın vaxtlarda  başa çatdırılması nəzərdə tutulub. Burada artıq bərpa işlərinə start verilib. Avtomobil yolunun təməli qoyulub. “Hadrut” yarımstansiyasının təməli qoyulub və burada məscidin tikintisinə də start verilib. 

Hadrutun tarixi hissəsinin yenidən qurulacağı, tarixi abidələrlə zəngin olan bu qəsəbədə turizm mərkəzləri və otellərinin də tikilməsi nəzərdə tutulub.

 

Burada bir məsələni də xatırlatmağı zəruri bilirəm. Bu da Vətən müharibəsində həkimlərimizin fədakarlığı ilə bağlıdır. Prezident də çıxışında bu məqama toxunaraq qeyd etdi ki, həkimlərimizin fədakarlığı unudulmazdır: “Müharibə zamanı fədakarlıq göstərmiş həkimlərin fəaliyyətini unutmaq olmaz. Doğrudan da həkimlər gecə-gündüz yorulmadan, o ağır şəraitdə, çətin şəraitdə öz həyatını risk altına ataraq yaralılara qulluq edirdilər. Şəhidlərimizin sayının o qədər də çox olmamasının səbəblərindən biri də məhz həkimlərdir...”.

 

Onu da deyim ki, bu savaşda xalqımız həmrəylik, birlik nümayiş etdirdi, möhtərəm Prezidentimizin arxasında dayandı, dövlətimizin haqq işini dəstəklədi, qələbəyə inandı. Bax, bunun nəticəsində də Azərbaycan tarixi zəfər qazandı. Bu zəfər Azərbaycan dövlətinin tarixində, xalqımızın yaddaşında əbədi qalacaq. İnsanlar öz doğma torpaqlarına tezliklə qayıdacaqlar. Bundan sonra həyatdan getmiş on minlərlə qaçqın və köçkünümüzün ruhu da şad və rahat olacaq”.

BU KATEQORİYADAN OLAN DİGƏR XƏBƏRLƏR
+ Arxiv
“Omikron”un daha yoluxucu olması ilə bağlı sübutlar YOXDUR 29 Noyabr 2021, 00:50 Bayden və Putin ilin sonuna qədər danışa bilər 29 Noyabr 2021, 00:42 Polşada Nizami Gəncəvinin 880 illiyi qeyd edildi 29 Noyabr 2021, 00:22 Əliyev Aşqabadda nəyə nail oldu? 29 Noyabr 2021, 00:04 Tovuzda ölümlə nəticələn ağır qəza 28 Noyabr 2021, 23:55 Spiker Ərəb Parlamentinin sədri ilə görüşdü 28 Noyabr 2021, 23:32 Sahibə Qafarova pakistanlı həmkarı ilə GÖRÜŞDÜ 28 Noyabr 2021, 23:18 Taliban avropalı diplomatlarla danışıqlar apardı 28 Noyabr 2021, 22:50 Deputatlar Qırğızıstan seçkilərini İZLƏDİLƏR 28 Noyabr 2021, 22:32 “Omikron”u öyrənmək üç həftə vaxt alacaq 28 Noyabr 2021, 22:08 Prezidentin Türkmənistana səfəri başa çatdı 28 Noyabr 2021, 21:47 Azərbaycan və Tacikistan Prezidentləri arasında görüş - YENİLƏNİB 28 Noyabr 2021, 21:44 İlham Əliyev və Ərdoğan görüşdü - YENİLƏNİB 28 Noyabr 2021, 21:35 İlham Əliyev və Rəisi arasında Zəngəzur dəhlizi müzakirəsi 28 Noyabr 2021, 21:30 Rəisi Qarabağdan DANIŞDI 28 Noyabr 2021, 21:24 Türkiyədə koronavirusla bağlı son vəziyyət 28 Noyabr 2021, 21:16 İlham Əliyev və Rəisi görüşdü - YENİLƏNİB 28 Noyabr 2021, 21:00 "Omikron" bu dəfə Danimarkada 28 Noyabr 2021, 20:56 Çexiyada yeni hökumət rəhbəri 28 Noyabr 2021, 20:44 “Qalatasaray”ın sabiq prezidenti vəfat etdi 28 Noyabr 2021, 20:16 Qırğızıstan seçkilərinin ilkin nəticələri 28 Noyabr 2021, 19:52 İran, Azərbaycan və Türkmənistan arasında qaz MÜQAVİLƏSİ 28 Noyabr 2021, 19:45 "Region ölkələri ilə ticarətin inkişafı prioritetidir" - Rəisi 28 Noyabr 2021, 19:25 Ərdoğan Zəngəzur dəhlizindən DANIŞDI 28 Noyabr 2021, 19:11 Tehranın hədəfi 28 Noyabr 2021, 18:45 Rusiyadan "Omicron"la bağlı təkzib - YENİLƏNİB 28 Noyabr 2021, 18:39 Peru silkələndi 28 Noyabr 2021, 18:32 "Zirə" qalib gəldi 28 Noyabr 2021, 18:18 Hökumətlərarası komissiyanın iclası keçiriləcək 28 Noyabr 2021, 18:02 Poroşenko: "Belarus tələ qurub" 28 Noyabr 2021, 17:58 Finalçı gimnastlar müəyyənləşdi 28 Noyabr 2021, 17:50 Ərdoğan Azərbaycanın qələbəsindən söz açdı 28 Noyabr 2021, 17:42 Türkiyə prezidenti Aşqabad Zirvəsinin hədəfini açıqladı 28 Noyabr 2021, 17:17 Ərdoğan və Rəisi Azərbaycanı MÜZAKİRƏ ETDİ 28 Noyabr 2021, 17:12 Kuçava Rusiyanı işğalçı adlandırıldı 28 Noyabr 2021, 16:58
SORĞU Kommunal xərciniz ən çox hansı xidmətə gedir?