Azərbaycan Respublikasının Dövlət Miqrasiya Xidməti tərəfindən ötən həftə həyata keçirilən tədbirlər nəticəsində qanunvericilik tələblərinə zidd olaraq fərdi icazə alınmadan əmək fəaliyyətinə cəlb edilmiş, eyni zamanda ölkədə olma və yaşama qaydalarını pozmuş 12 əcnəbi aşkar edilib.
Miqrasiya xidmətindən Modern.az-a verilən məlumata görə, həmin şəxslər barəsində Azərbaycan Respublikasının inzibati qanunvericiliyinin tələblərinə uyğun olaraq müvafiq qərarlar qəbul edilib.
Qeyd edək ki, Dövlət Miqrasiya Xidməti tərəfindən qanunsuz miqrasiyanın aşkar edilərək qarşısının alınması istiqamətində paytaxtda və ölkənin regionlarında müvafiq tədbirlər davam etdirilir.
Modern.az
