Prezident İlham Əliyev sabiq deputat Valeh Ələsgəovla bağlı sərəncam imzalayıb.
Modern.az xəbər verir ki, sərəncama görə, Azərbaycan Respublikasının ictimai-siyasi həyatında uzunmüddətli səmərəli fəaliyyətinə görə Valeh Feyruz oğlu Ələsgərov 1-ci dərəcəli “Vətənə xidmətə görə” ordeni ilə təltif edilib.
Valeh Ələsgərov üçüncü, dördüncü və beşinci çağırış Milli Məclisin deputatı, parlament sədrinin müavini olub.
O, 2020-ci ilin mayında Ələt azad iqtisadi zonasının səlahiyyətli qurumunun İdarə Heyətinin sədri təyin edilib.
Qeyd edək ki, bu gün - 19 oktyabr tarixində Valeh Ələsgərovun 75 yaşı tamam olub.