NATO Rusiya və Abxaziya arasında Gürcüstanın işğal olunmuş ərazisində hərbi bazanın yaradılmasına dair imzalanmış müqaviləni qeyri-legitim elan etdi. Modern.az “Ria-novosti” agentliyinə istinadən xəbər verir ki, Şimali Atlantika Alyansı Moskva - Suximi razılaşmasın kəskin pisləyib. “NATO Rusiya və Gürcüstan əraziləri arasında saziş imzalanmasını qanunsuz hesab edir”-deyə alyansın rəsmi nümyəndəsi Karmen Romero bildirib. Onun sözlərinə görə, NATO-nun bu məsələyə dair mövqeyi həmişə dəyişməz olub. Romero qeyd edib ki, NATO ölkələri Rusiyadan münaqişəyə qədər Abxaziyada olan rus qoşunlarının ərazidən çıxarlmasını tələb etməkdə davam edir. O, əlavə edib ki, NATO bütün Gürcüstan ərazisinə müşahidəçilərin buraxılmasında isar edir.