Fövqəladə Hallar Nazirliyinin məlumatına görə, dünən Ağdaş rayonunda ağır yol qəzası baş verib. Ağdaş rayonu, Şıxı kəndində Ağdaş-Mingəçevir yolunun 15-ci kilometrliyində Ağdaş-Mingəçevir marşrutu ilə hərəkət edən “Mercedes” markalı mikroavtobus və “BMW” markalı minik avtomobili toqquşub. Nəticədə, minik avtomobilinin sürücüsü - 1965-ci il təvəllüdlü Azər Xanməmməd oğlu Orucov, sərnişinləri 1960-cı il təvəllüdlü Maarif Möhsüm oğlu Məmmədov və 1967-ci il təvəllüdlü Mürvət Həmid oğlu Əliyev hadisə yerində ölüb, mikroavtobusun sürücüsü və 15 nəfər sərnişin xəsarət alıb. Xəsarət alanlar xəstəxanaya aparılıb.
Hadisə ilə əlaqədar müvafiq qurumlar tərəfindən təhqiqat aparılır.
Modern.az