Türkiyənin professoru Dr.Okan Yeşilot və Dr. Bihtər Gürışıq Göksalın birgə redaktorluğu ilə “Qarabağ” adlı kitab yazılıb.
Modern.az xəbər verir ki, Qarabağ mövzusunda yazılan kitab Türkiyə və Azərbaycanın professorları tərəfindən yazılmış məqalələrdən ibarətdir.
Kitabda Qarabağın tarixi, Osmanlı vaxtında Qarabağ, Qarabağın Rusiya tərəfindən işğalı, SSRİ vaxtında Qarabağ, bölgədəki erməni terror hərəkətləri, İkinci Qarabağ savaşı, Türkiyənin, Rusiyanın, İranın və Türk dünyasının Qarabağ siyasəti, ATƏT-in Minsk Qrupunun Dağlıq Qarabağ məsələlərində rolu, İkinci Qarabağ savaşının nəticələri və gələcək senariləri, işğal vaxtında Qarabağda erməni vandalizmi və beynəlxalq səviyyədə erməni təbliğatı kimi mövzular yer alır.
