Müsavat Partiyası İctimai Palatada struktur dəyişikliyinin edilməsi ilə bağlı AXCP sədrinin müavini Fuad Qəhrəmanlının təklifinə dəstək verib. Bu barədə Modern.az-a açıqlama verən Müsavat başqanının müavini Gülağa Aslanlı hazırki durumda İctimai Palata daxilində struktur dəyişikliyindən öncə təşkilatın gücləndirilməsinin vacib olduğunu bildirib.
“Məncə əsas məsələ İctimai Palatanın gücləndirilməsi yollarını tapmaqdır. Əgər bu dəyişiklik palatanın güclənməsinə, onun məqsəd və məramnəmisinin həyata keçməsini təmin etməyə yönələcəksə, bu təklifi qəbul etmək olar”.
