Modern.az xəbər verir ki, Moskvadakı Müasir İncəsənət Muzeyində Aydan Salahovanın “Fascinans and Tremendum” (“Məyusluq və qorxu”) adlı sərgisi açılıb. Sərgidə rəssamın 2008-ci ildən sonrakı dövrə aid son işləri sərgilənib. Boya, qrafika, video və heykəltəraşlıq nümunələrinin hamısı qadın və gender münasibətlərinə həsr olunub. “Qadın makiyaj etdikdə üzünə maska taxmış olur. Amma hicabda o daha yaxşı, ifadəli görünür” açıqlaması ilə tamaşaçıları heyrətləndirmiş A. Salahovanın sərgisində Şərq motivləri üstünlük təşkil edir
Xatırladaq ki, A. Salahova Azərbaycanın xalq rəssamı Tahir Salahovun qızıdır. 48 yaşlı rəssam Moskvada yaşayır və Rusiyanın əlli ən yaxşı rəngkarlıq ustasından biri sayılır.
Modern.az