“İş yeri tapan adam işində əlavə dəyər yarada bilmirsə, onda ancaq aylıq əməkhaqqı ala bilər”.
Modern.az xəbər verir ki, bu sözləri təhsil naziri Emin Əmrullayev “Azərbaycan Karyera İnkişaf” Forumunda çıxışı zamanı deyib.
Nazir deyib ki, bir çox ölkələrdə 12-13 illik təhsil sisteminin, öyrənmə göstəricisi 20 faizdir:
“Məktəbəqədər təhsildə təhsil müddəti, şagirdin dərs saatları və məzmun hər zaman əsas amil olmalıdır.
İnkişaf etmiş ölkələrdə üç yaşlı uşaqların təhsillə əhatəliliyi 100 faiz həcmində görülür. Bir çox ölkələrdə 12-13 illik təhsil sisteminin, öyrənmə göstəricisinin 20 faiz olduğunu müşahidə edilir. Təbii ki, bu təcrübəni qısa müddətə qazanmaq olmur. Bu proses uzun müddət tələb edir. Bu səviyyəyə çatmaq istəyiriksə, dəyişikliyi getməliyik".
