Konqo Demokratik Respublikasında avtomobilin atəşə tutulması nəticəsində BMT-nin üç əməkdaşı yaralanıb.
Modern.az xəbər verir ki, bu barədə “Reuters” agentliyi məlumat yayıb.
Məlumata görə, naməlum silahlı şəxslər Kivu əyalətinin Lubero ərazisində BMT-nin Qaçqınlar üzrə Ali Komissarlığının avtomobilinə hücum ediblər.
Birləşmiş Millətlər Təşkilatının sülhməramlıları tərəfindən təmin edilən heyətin hərbi müşayiəti daha sonra onları təhlükəsiz yerə qədər müşayiət edib.
Konqonun şərqində ərazi və ehtiyatlar üzərində döyüşən bir çox silahlı qruplar var.
Akif İsmayılov
